Pam mae'r Gymraeg yn bwysig i mi?

Mae'r Gymraeg yn agos iawn i fy nghalon achos cefais fy magu mewn teulu sy’n siarad Cymraeg yn y cartref. Oherwydd hyn, mae’r iaith yn rhan bwysig o fy hunaniaeth, ac felly mae'n naturiol i mi ddefnyddio'r Gymraeg yn fy ngwaith.

​

Fy Ngwasanaeth Ffotograffiaeth

Dwi’n falch o allu darparu fy ngwasanaeth ffotograffiaeth trwy’r Gymraeg yn ogystal â’r Saesneg. Dwi'n deall bod llawer o bobl eisiau cynnal sesiynau lluniau yn y Gymraeg er mwyn cysylltu â’u teuluoedd yn well. Mae hefyd yn bwysig i sawl un i gynnal eu seremoni priodas neu ddigwyddiadau eraill trwy’r iaith Gymraeg. Fel ffotograffydd sy’n siarad a deall yr iaith, dwi'n gallu cynnig gwasanaeth mwy personol a chysurus, a sicrhau bod pob un moment arbennig yn cael eu dal yn y ffordd orau drwy'r iaith rydych chi'n caru.

​

Profiadau Corfforaethol

Mae gen i brofiad o ffotograffio ar gyfer sawl mudiad a sefydliad Cymraeg, gan gynnwys yr Urdd, Mudiad Meithrin a Barddas. Dwi’n deall yr angen am barch i’r iaith a’r diwylliant Cymreig wrth weithio gyda chwmnïau a mudiadau sy’n defnyddio’r Gymraeg.

​

Eisiau Sgwrs?

Os oes gennyt unrhyw gwestiynau neu os wyt ti’n dymuno trafod dy ddiwrnod arbennig neu unrhyw sesiwn lluniau, anfona neges ataf. Byddaf wrth fy modd yn helpu!